那一晚的晚霞⋯
夕陽無限好 只是近黃昏⋯
宜家先發現，原來自己最近少左上來⋯點解？可能因為多野做，可能因為搵到新嘅睡前讀物，可能⋯
用左6年嘅手提，終於頂唔順廣東嘅夏天，散熱系統正式宣佈退休⋯而平板嘅鍵盤，可能頂唔順前段時間潮濕嘅天氣，回車鍵失靈了⋯
相機攞左返來咁耐，卻一次都未用過⋯點解？我都唔知⋯買左個痰罐鏡頭仔，都係一次都未用過⋯點解？都係唔知⋯
有時會唸，買呢d野返來，又唔用，都唔知爲乜⋯相冊裡面，基本上就冇一張人物照⋯
但其實，世界上應該有好多野，都係唔知爲乜嘅吧？
或者，其實我只係想搵一個人，你幫我影下，我幫你影下⋯