小明求萬事順意

© 小明求萬事順意 | Powered by LOFTER

又是一年春暖花开....

从10年开始,每年都可以见到樱花....以前未见过樱花嘅时候,总系好恨见到樱花,想想樱花到底系有几靓几美好....但当年每年都见得到嘅时候,你似乎就开始麻木了,觉得,又米甘....

但老实讲,我始终觉得,全南大嘅樱花最好睇....其实客观上讲,镇海嘅樱花的确好靓,但系,或者系因为自己喺全南大读书,所以觉得,果度最好....添加左感情嘅事物,总系会变左样....

有时候,好像翻去全南大...虽然读研嘅日子好辛苦,但系,好开心,好自由....有时候会后悔,点解当时唔选择继续读博,再理性唸下,读博,可能就真系冇命了....

对于我来讲,爱情诚可贵,自由价更高,若为友情故,两者皆可弃....

唔知系唔系单身耐左,早已经习惯左一个人嘅生活,宜家突然身边多左个人,总系觉得唔自在....单身嘅日子有时候的确系无聊,但系,自己可以“为所欲为”嘅时间更加爽....真系唔知系唔系单身耐左,觉得一个人,其实几好....

未来仲有几十年要踎喺呢个地方,有时候唸下,觉得都几可怕....每天对住同样嘅环境,即使美好嘅事物,都有睇厌左嘅一日....

究竟系我心里有问题,定系其实大家都会有甘嘅唸法?

花開⋯花落⋯總有時⋯

咕嚕咕嚕⋯咕嚕咕嚕⋯

又一年櫻花開了...
以前見過櫻花嘅時候,就好恨睇櫻花...宜家連續睇3年了,突然覺得好冇意思了...
人總係"冇就恨,有就呻"...

落花不是無情物,化作春泥更護花

今日无意中搜到佢嘅qq,进而八卦下佢最近嘅状态…
搜佢微信,发现,原来佢貌似已经结婚了…

本来我以为我会好嬲,或者会好唔抵得…但我完全冇…反而仲觉得几开心…突然有种想加翻佢微信嘅冲动…
但始终碍于面子,我都係冇加到佢…

或者好似吖晨话斋嘅,有d说话,佢只能够喺饮醉酒之后先讲得出口…但我始终唸唔明白,当时佢究竟係一种乜心态打俾我…係真心想讲句对唔住,定係只係心烦,随手打左个电话俾旧情人…

我一直以为自己呢世都唔好会原谅佢…但最后发现,原来自己只不过係斗紧气…原唔原谅呢d野,当我觉得我需要祝福佢嘅时候,其实自己早已有左答案…

时间真係一样好神奇嘅野…佢可以慢慢抚平你嘅伤口,亦可以喺不禁意间揭开你嘅伤口,让你更痛…
不过我觉得时间对我几好,冇一次係让我更痛…有d事情虽然係无法忘记,但系回忆起来,佢地却变得平淡如水…

congratulations…